"Сўғдиёна" янги трансферни эълон қилди

Янги мавсум арафасида юксак марраларни кўзлаётган “Сўғдиёна”  таркибни кучайтиришда давом эттирмоқда.

Клуб матбуот хизматининг хабар беришича, бугун ҳужумчи Отабек Жўрақўзиев билан шартнома имзолаган ва расман эълон қилинди.

Томонлар ўртасидаги келишув 2026 йил якунига қадар амал қилади.

Фаолияти давомида Отабек “Пахтакор”, “Олимпик” ва “Андижон” клублари шарафини ҳимоя қилган. Тажрибали ҳужумчи шунингдек Ўзбекистон миллий терма жамоаси аъзоси сифатида ҳам майдонга тушиб келмоқда.