Совринсиз қолган Ҳарри Кейн терма жамоадан кетадими?

Англия терма жамоаси Европа чемпионатининг финалида Испания футболчиларидан мағлубиятга учраганидан кейин Ҳарри Кейнга келажаги кўпчиликни қизиқтириб қолди.

30 ёшли ҳужумчи фаолияти давомида олтинчи финални бой берди ва ҳали бирорта совринга эга чиққани йўқ.

Англиянинг бугунги кундаги энг зўр ҳужумчиси терма жамоадаги фаолиятини тўхтатиш нияти йўқлигини билдирди. Кейн жамоаси қитъа чемпионати финалида ютқазганига қарамай, икки йилдан кейин бўладиган жаҳон чемпионатига катта умид билан тайёрланишга қарор қилган.

Бир неча манбаларнинг ёзишича, Ҳарри Кейн 37 ёшида ҳам халқаро миқёсда катта ютуқларни қўлга киритиб келаётган Лионель Месси изидан бормоқчи.

Месси бошчилигидаги Аргентина терма жамоаси Америка кубогида ғолиб чиқди. Бу Леонинг профессионал фаолиятидаги 45-соврин бўлди.