Спаллетти: "Ҳал қилувчи паллаларда нотўғри қарорлар қабул қилдик"

"Ювентус" бош мураббийи Спаллетти Италия Кубоги чорак финалида "Аталанта"га қарши учрашувдаги (0:3) мағлубиятни изоҳлади.

"Учрашувнинг ҳал қилувчи паллаларда улар биздан яхшироқ ўйнашди. 0:3 ҳисобидаги мағлубиятдан кейин кўп нарса айтиш қийин. Палладино ва “Аталанта”ни табриклаймиз, бу яхши шаклланган ва чиройли футбол намойиш этадиган жамоа.

Ўйин кескинлашган вазиятларда биз нотўғри қарорлар қабул қилдик. Тўп айланма ҳаракат қилган пайтларда статистика муҳим аҳамиятга эга, аммо хавфли вазиятларда тез ва аниқ қарор қабул қилиш зарур. Айнан шундай паллаларда биз хатога йўл қўйдик, улар эса тўғри йўл тутди.

Айрим ҳолатларда икки футболчимиз битта рақибга қарши чиқиши мумкин эди, аммо биз тўпни бурчак томон йўлладик. Баъзан бундай вазиятларни тўғри англаш учун тажриба етишмайди. Ҳал қилувчи дақиқаларда ўткирлик ва фикр равшанлиги камлик қилди. Бундай ҳолатлар учраб туради.

Тараққиёт бутун жамоанинг машғулотларига боғлиқ. Бизда ҳам бошқа жамоалар каби айрим камчиликлар бор, аммо мен жамоамизни бир бутун деб ҳис қиламан. Шунчаки ўйин тақдирини ҳал қилиши мумкин бўлган паллаларни тўғри англашимиз керак. Чунки имкониятлар сонига қарасангиз, натижа мантиқий кўринмаслиги мумкин.

0:3 ҳисобида ютқазганингдан кейин футболчилар меҳнат қилди ва яхши ўйнади дейиш ғалати. Менга ёқмаган жиҳат — ўйиннинг сўнгги қисмида тартибсиз ҳаракат қилганимиз ва яккаҳаракат орқали вазиятни ўзгартиришга уринишимиз бўлди. Натижада уюшқоқликни йўқотдик ва жамоавий бирлик пасайди".

Пенальти белгиланиши ҳақида эса Спаллетти шундай деди:

"Бу пенальти, чунки қўлга тегиш бор эди. Мен бошқа масалаларга эътибор қаратаман, менинг ишим бошқа", — деди мураббий.