"Специя" устози кейинги ўйинда кимларни ҳужумда ўйнатади? Унинг ўзи жавоб берди

А Серия 28-туридан ўрин олган "Специя" - "Салернитана" баҳси бўлиб ўтди. Унда жамоалар 1:1 ҳисобидаги дурангга имзо чекди. 

Дастлаб, Кальдара 43-дақиқада ҳисобни очган бўлса, 70-дақиқада легионеримиз Элдор Шомуродов мувозанатни тиклади. 

Беллашувдан сўнг специяликлар устози Леонардо Семпличи ўз фикрлари билан ўртоқлашди ва кейинги учрашув учун ҳужумкор футболчиларни танлаш осон бўлмаслиги ҳақида тўхталиб ўтди: 

- Кейинги ўйинда кимни ҳужумда ўйнатамиз? Бир қарорга келиш осон бўлмайди. Бироқ бундан фақат хурсандман. Мазкур ҳолат ҳаммаси яхши ишлаётганини англатади. Бугун Агудело ва Мальдини жуда актив ҳаракат қилди. Шунингдек, Гьяси, Верде ва Шомуродов ҳам янги босқичда. Биз яхши қуролланганмиз.