Suares va Fabregas "Barselona"da?! Ular klub bazasida mashg‘ulotlarga kirishdi (FOTO)

Urugvaylik hujumchi Luis Suares va ispaniyalik yarim himoyachi Sesk Fabregas ayni damda "Barselona" bazasida mashg‘ulot o‘tkazmoqda.

Aytish kerakki, biri "Atletiko"dan, ikkinchisi "Monako"dan shartnomasi tugagani bois erkin agent sifatida ketdi. Har ikki futbolchi ham hozirda erkin agent hisoblanadi.

"Barselona" rahbariyati esa jamoaning sobiq o‘yinchilariga yangi klub topmaguncha formasini saqlab qolish va yangi mavsumga tayyorlanish imkonini berdi.

Suares 2014-2020 yillarda "Barselona"da o‘ynagan. Asli "Barsa" tarbiyalanuvchisi hisoblangan Fabregas esa 2011-2014 yillarda jamoa sharafini himoya qilgan.