Супер тўпурар “Барса”га ўтишга рози бўлди

“Бавария” тўпурари Роберт Левандовски “барселона”га ўтишга розилик берди, деб хабар тарқатмоқда Испаниянинг Sport.es сайти.

Манбанинг маълум қилишича, Мюнхен клуби мутасаддилари польшалик ҳужумчисига келаси йили якунланадиган ҳамкорлик битимини атиги бир мавсум узайтиришни таклиф қилган. Бу таклиф Левандовскини қониқтирмади ва у Испания чемпионатига кўчиб ўтиш режасини амалга оширадиган бўлди.

Аввалроқ, “Барселона” ҳам ёзги трансферлар вақтида ҳужум чизиғини Муҳаммад Салоҳ ёки Роберт Левандовски билан кучайтиришга ҳаракат қилаётгани ҳақида хабарлар тарқатилган эди.

Тўпурарлик маҳоратини бир неча мавсумдан бери узлуксиз намойиш қилиб келаётган Левандовскининг трансфер суммаси 50 миллион еврога баҳоланмоқда.