Суперфутболчи жамоадан ўзбошимчалик билан кетиб қолди

“Ньюкасл” тўпурари Александр Исаак  машғулотларда оёғининг сон қисмидан жароҳат олди.

TBR Football нашрининг маълум қилишича, 25 ёшли футболчи ўзбошимчалик билан клубнинг машғулотлар базасини тарк этган.

Исаак бош мураббий Эдди Хауга боғланиб, уйида мустақил тарзда шуғулланишини билдиргани айтилмоқда.

Аслида Александр Исаак “Ливерпуль”дан таклиф олган. Бироқ “қарғалар” ўз етакчисини қўйиб юборишга шошилмаяпти ва харидорларни қайтариш учун унинг трансферини 173 миллион евродан бошлашини билдирган.

Мерсисайдликлар ўз фикридан қайтгани йўқ. Улар “Ньюкасл”ни Исаакни 138 миллион еврога қўйиб юборишга кўндирмоқчи.

Александр Исаак “Ньюкасл” таркибида жами 109 та учрашувда майдонга тушиб, рақиблар дарвозасини 62 маротаба ишғол қилган ва жамоадошларига 11 та голли пас узатган.