Суперклуб икки ҳужумчи ўртасида танлов қилмоқда

Туриннинг машҳур «Ювентус» клуби «Ньюкасл» ҳужумчиси Ник Вольтемадени ижарага олиш бўйича музокараларни давом эттирмоқда. Бу ҳақда футбол оламида ишончли манба сифатида танилган инсайдер Фабрицио Романо хабар берди.

Манба маълумотига кўра, футболчининг ўзи ҳам Италияга кўчиб ўтиш ғоясига ижобий қарайди. Шу билан бирга, «Ювентус» раҳбарияти ҳужум чизиғини кучайтириш учун яна бир номзод – «Манчестер Юнайтед» форварди Жошуа Зиркзее вариантин ҳам кўриб чиқмоқда.

Янги мавсумда Ник Вольтемаде икки ўйинда майдонга тушиб, бир голли узатма муаллифига айланди. Жошуа Зиркзее эса ҳозирча жамоаси сафида майдонга тушишга улгурмади.

А Серияда икки тур ортда қолган бир пайтда «Ювентус» мусобақа жадвалида учинчи ўринни эгаллаб турибди. Турин клуби шу вақтга қадар олти очко жамғаришга муваффақ бўлди.