Суперклуб Жюль Кунде билан музокара бошлади

Бундеслига чемпиони «Бавария» Испания чемпионати ғолиби «Барселона»нинг марказий ҳимоячиси Жюль Кундега жиддий қизиқиш билдирмоқда. 

Sport.es нашрининг ёзишича, мюнхенликлар сўнгги кунларда футболчининг вакиллари билан учрашиб, унинг келажак режалари ва шартномавий талабларини ўрганган.

Манбага кўра, 27 ёшли ҳимоячи ўзини ҳали ҳам «Барселона» футболчиси сифатида кўради. У клубда қолишни, шунингдек, 2024/2025 йилги мавсумда кўрсатган ўйин даражасига яна қайтишни мақсад қилган.

Жюль Кунде 2022 йил ёзида «Барселона» сафига қўшилган. Ўтган мавсумда у барча мусобақаларни қўшиб ҳисоблаганда 47 та учрашувда майдонга тушди, учта гол урди ва тўртта голли пас берди. Ҳозирги шартномасига кўра, футболчи клуб билан 2030 йил ёзигача боғланган.

Transfermarkt портали маълумотларига кўра, Кунденинг бозор қиймати 60 миллион евро атрофида баҳоланмоқда.