Суперклуб трансфер бозорини портлатади!

Жорий мавсум ҳам Англияда чемпионликни қўлга кирита олмаслиги тобора ойдинлашиб бораётган “Арсенал” ёзда трансфер бозорида катта харидларни амалга оширишга қарор қилди.

Todofichajes нашри тарқатган маълумотларга кўра, “канонирлар” таркибни сезиларли даражада кучайтириш мақсадида трансфер сиёсатини катта маблағ билан қўллаб-қувватлайди.

Хусусан, клуб мутасаддилари уч нафар футболчини нишонга олган ва бу харидлар учун 230 миллион евро миқдорида маблағ ажратиладиган бўлди.

Микель Артета жамоасининг ҳужум чизиғини тинимсиз гол ураётган Виктор Дьёкереш (“Спортинг”), бир неча клублар талашаётган Нико Уильямс (“Атлетик Бильбао”) билан кучайтирмоқчи. 

Майдон марказини мустаҳкамлаш учун эса, Лондон клуби раҳбарияти “Реал Сосьедад” жамоасида бир неча мавсумдан бери барқарор ўсишга эришаётган Мартин Субимендини танлаган.