Суперклуб ёзда Холандни оладиган бўлди
“Барселона” мавсум якунланганидан кейин “Манчестер Сити” тўпурари Эрлинг Холандни ўз сафига қўшиб олишга қарор қилди.
El Chiringuito нашри журналисти Жота Жордининг маълум қилишича, каталонияликларда норвегиялик ҳужумчи трансферини тезлаштириш учун икки сабаб бор.
Биринчидан, жамоанинг 36 ёшли асосий тўпурари Роберт Левандовски келаси мавсум давомида 70 та учрашувнинг барчасини юқори даражада ўтказа олмаслиги аниқ.
Иккинчидан, “Барса” мутасаддилари Холанднинг трансферини амалга ошириш учун 2025 йилнинг ёзги трансферлар даври энг қулай фурсат, деган хулосага келган. Бунга “шаҳарликлар” устидан суд ўтказилаётгани ва жамоанинг ўйинида пасайиш кузатилаётгани каталонияликларнинг фойдасига ишлаши мумкинлиги айтилмоқда.
Фикрлар