Суперлига. "Локомотив" - "Пахтакор": Матнли трансляция

Ассалому алайкум, муҳтарам футбол ихлосмандлари! Coca Cola Суперлигаси 25-туридан ўрин олган "Локомотив" - "Пахтакор" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.

• 90+4'
  

  Учрашув якунланди! "Пахтакор" чемпионлини нишонлайдиган кунда яна мухлисларига ғалаба тақдим этди. Матнли трансляция Жавоҳир Азимов томонидан олиб борилди!

• 90+2'

  "Локо" рақиб жарима майдони олдида штурм уюштирмоқда.

• 90'
  

  Ўйиннинг асосий вақтига 3 дақиқа қўшиб берилди.

• 88'

  Илёсов ўз жойини ташлаб чиқди ва тўпни узоқлаштирди.

• 85'
  

  "Пахтакор" таркибида Достон Ҳамдамов ўрнига Шерзод Аъзамов туширилди.

• 82'

  Ҳамдамовнинг стандарт вазиятдан берган зарбаси жонли девордан ўтмади.

• 79'
  

  Муҳаммадиев ўрнига Абдумўминов туширилди.

• 76'
  

  "Пахтакор"да Собирхўжаев ўрнига Абдуллаев, Черан ўрнига Эркинов туширилди.

• 75'

  Чераннинг зарбаси жуда хавфли чиқди. Бироқ тўп йўналишини ҳимоячилар ўзгартира олди.

• 72'

  Бикмаевнинг бош билан берган зарбасига аниқлик етишмади.

• 71'

  Амонов ва Исмоилов курашида Анзур ютиб чиқди. Тажрибали ҳимоячи рақибини ўтказмади.

• 69'
  

  "Темирйўлчилар" таркибида ҳаракат қилган Погребняк ва Афонин ўрнига Бикмаев ҳамда  Ўлмасалиев майдонга туширди.

• 68'

  Машарипов ва Сергеев комбинация уюштириб, яхши вазият ҳосил қилди. Бироқ иш зарбага келганда тўп Жалолиддиндан узоқлашиб кетди.

• 66'

  Ҳамдамов марказга узатган тўпга Сергеев бош билан зарба берди. Тўпни ҳимоячилар дарвоза чизиғи устидан қайтарди.

• 63'
  

  "Локомотив" сафида ўзгариш: Иброҳимов ўрнига Комилов, Алижонов ўрнига Туропов туширилди.

• 62'
  

  Бурчак тўпидан кейин "Локо" жарима майдони ичида палапартишлик юзага келди. Бироқ ҳимоячилар тўпни узоқлаштиришни уддалади.

• 60'
  

  Собирхўжаевнинг зарбасидан кейин Илёсов тўпни қайтариб юборди.

• 59'
  

  Амоновнинга жарима майдони ташқарисидан берган зарбасини Қувватов ушлаб олди.

• 56'

  Жавоҳир Алижоновнинг яқин масофадан берган кучли зарбаси ҳимоячидан қайтди.

• 54'

  Ғуломов ортга тўпни жуда суст тарзда узатди. Сергеев тўпга етиб олишига бир баҳя қолди.

• 51'

  Тўп назорати "шерлар" томонда. "Локо" прессинг уюштирмоқда.

• 48'
  

  Игорь Сергеев дарвозабонни алдаб ўтиб, дарвозага зарба берди. Ён ҳакам байроқчасини кўтариб турган эди. Гол игобатга олинмади.

• 46'
  

  Иккинчи тайм бошланди!

• 46'

  Футболчилар майдонга қайтди. Биз ҳам қайтамиз!

• 45+1'
  

  Танаффус!

• 45'
  

  Биринчи бўлимга 1 дақиқа қўшиб берилди.

• 43'
  

  Марказга узатилган тўпни Погребняк дарвозага йўллади. Қувватов тўпни қайтарди.

• 42'

  Машариповнинг узатмасини шериги тутушмади. "Пахтакор" яна тўп йўқотди.

• 40'
  

  Машариповда офсайд йўқ эди. Бироқ ён ҳакам ўйинни тўхтатди.

• 38'
  

  ГООООООООООЛЛЛЛЛЛЛ! "Пахтакор" ҳисобни очди!

  Дарвозабон билан бирга-бир ваўиятга чиққан Сергеев Илёсовни алдаб ўтиб, ўткир бурчакдан дарвозани ишғол этди.

• 38'
  

  Узоқ масофадан берилган зарбани Қувватов катта қийинчилик билан ушлаб олди ва дарҳол жамоасининг қарши ҳужумини бошлади.

• 37'

  Сергеев яна офсайдда қолиб кетди. Собирхўжаев унга узатма амалга оширди ва адашди.

• 34'
  

  Сайфиевнинг қўпол хатосидан кейин Амонов тўпни эагаллаб зарба берди. Қувватов тўпни ушлаб олди.

• 32'

  Ўз жойини ташлаб олдинга чиққан Илёсов Машариповга имконият қолдирмади.

• 30'

  Махарадзе дарвозабон билан бирга-бир вазиятга чиқиб бориши мумкин эди. Бироқ Сайфиев тўпга тегишни уддалади.

• 29'

  Машарипов узатган тўпга Ҳамдамов зарба берди. Тўп ҳимоячидан қайтди.

• 27'

  Махарадзенинг зарбаси тўсин юқорисидан ўтиб кетди. 

• 25'

  Хайдаров стандартдан жарима майдонига пас оширди. Қувватов тўпни муштлари билан уриб юборди.

• 23'
  

  Алижоновнинг бош билан йўллаган зарбасини Қувватов ушлаб олди.

• 22'

  "Пахтакор" стандарт вазиятни комбинацион тарзда ўйинга киритди. Яхши ўйланган ҳужумни дарвозабон пайқади ва тўпни эгаллаб олди.

• 20'

  Комилов қанотда шерикларига тўп узата олмади. Ҳимоячи унга ҳалал берди ва тўпни ундан чиқиб кетишини таъминлади.

• 17'

  "Локо" ўйинга фаоллик қўшмоқда.

• 15'

  Сайфиев қулай имкониятни кўкка совурди. Фаррух шеригига тўп узатиш ўрнига зарба берди. Тўп ҳимоячидан ўтмади.

• 13'

  "Темирйўлчилар"нинг камсонли ҳужумларидан навбатдагиси ноаниқ узатма туфайли узилиб қолди.

• 10'

  Чераннинг яқин масофадан боши билан берган зарбаси ноаниқ чиқди.

• 8'
  

  Машариповнинг зарбасидан кейин Илёсов тўпни бурчакка уриб юборди.

• 6'
  

  Сергеев жамоасининг ҳужумларини барбод қилмоқда. У офсайддан чиқиши лозим.

• 4'

  "Шерлар" тўпни назорат қилмоқда. Қанотларга узатмалар амалга ошириб, рақибнинг ожиз нуқтаси қидириляпти.

• 2'
  

  Илк дақиқалардан олдинга ўтган Сергеев воқеалар ривожидан илгарилаб кетди.

• 1'
  

  Ўйин бошланди!

• 0'

  Футболчилар майдонга тушиб келди. Ўйин футбол афсонаси Диего Марадона хотирасига бир дақиқалик сукут билан бошланади.