Суперлига ортида ФИФА президенти турибдими?

Испания Ла Лигаси раҳбари Хавmер Тебас ФИФА президенти Жанни Инфантинони Суперлига яратилишида иштирок этганликда айбламоқда.

“Суперлиганинг яратилиши ортида Жанни Инфантино турибди ва мен гапни унинг юзига ҳам айтганман. Мен бу ҳақда олдин ҳам гапирганман ва яна такрорлайман - Суперлига ортида ФИФА президенти турибди!" - Тебас ESPN нашрига берган интервьюсида.

Бир неча ой олдин Хавьер Тебас Суперлиганинг махфий ҳужжатлар ҳақида гапирди. Унда "W01" номи тилга олинган эди. Тебаснинг сўзларига кўра, Жанни Инфантино номи ҳужжатларда шундай код билан шифрланган.

Суперлига лойиҳаси тезда барбод бўлди, аммо учта клуб барибир уни қўллаб-қувватламоқда. Булар "Реал", "Барселона" ва "Ювентус".