Суперлига. "Қўқон-1912" - "Локомотив": Матнли трансляция
Ассалому алайкум, муҳтарам футбол ихлосмандлари! Coca Cola Суперлигаси 24-туридан ўрин олган "Қўқон-1912" - "Локомотив" учрашуви матнли тарзда эътиборингизга ҳавола этилади. Уни сизлар билан Жавоҳир Азимов кузатиб боради.
- 90+4'
Учрашув якунланди! Матнли трансялция Жавоҳир Азимов томонидан олиб борилди!
- 90+2'
Ҳар икки жамоа футболчилари ҳам олдинга ўтишдан тўхтамаяпти.
- 90'
Ўйиннинг асосий вақтига 4 дақиқа қўшиб берилди.
- 88'
Дарвозабонни алдаб ўтган Якуба Бамба ноаниқ зарба берди.
- 86'
Кахи Махарадзе ўз ўрнини Шаҳзод Шаймановга бўшатиб берди.
- 84'
Жаримадан берилган зарба жонли девордан қайтди.
- 83'
Қўқонликлар жарима майдони яқинида яхши стандарт вазиятга эга бўлди.
- 81'
Яқин масофадан йўлланган зарбани мезбонлар ҳимоячилари дарвоза чизиғидан қайтариб қолди.
- 79'
Рақибининг тезкор қарши ҳужумини тўхтатиб қолган Холмуҳаммедов огоҳлантирилди.
- 77'
Мезбонларнинг кетма-кет бурчак зарбаларини "Локо" футболчилари бартараф этди.
- 74'
Жаҳонгир Абдумўминов майдонга тушди. У Жавоҳир Алижоновни алмаштирди.
- 73'
Ҳар икки жамоа вакиллари тинмай ҳужумлар уюштирмоқда. Тўп марказда турмаяпти.
- 70'
Марат Бикмаев узоқ масофадан ўз омадини синаб кўрди. Зарбага аниқлик етишмади.
- 68'
Рўзиевнинг зарбаси ҳимоячидан қайтди.
- 66'
Ўз жойини ташлаб чиққан Илёсов тўпни узоқлаштирди.
- 63'
"Локо" сафида ўзгариш: Диёр Туропов, Дилшод Комилов ҳамда Вадим Афонин ўрнига Марат Бикмаев, Авазбек Ўлмасалиев ва Фаррух Иброҳимов ўйинга қўшилди.
- 61'
Тўп учун курашда Туропов рақиби билан тўқнашиб кетди. Унга тиббий ёрдам кўрсатиляпти.
- 59'
Филипп Раевац ўрнига Якуба Бамба майдонга тушди.
- 57'
Ҳасанов қанотдан яхши узатма амалга оширди. Дарвозабон тўпни ушлаб олди.
- 55'
Қўқонликлар ўйин темпини оширмоқда. Уларга гол зарур.
- 53'
Абдулҳамидов қарши ҳужумга ўтди. Бироқ ҳимоячи унга ҳалал беришни уддалади.
- 50'
Ҳасанов ўйиндан ташқари ҳолатда қолиб кетди.
- 48'
Иккинчи 45 дақиқаликни ҳам меҳмонлар ҳужумкор бошлади.
- 46'
Иккинчи тайм бошланди!
- 46'
Бўлимлар оралиғида мезбонлар сафида ўзгариш: Музаффар Музаффаров ўрнига Ҳамидулло Абдуҳамидов ўйинга қўшилди.
- 46'
Футболчилар майдонга қайтди. Биз ҳам қайтамиз.
- 45+1'
Танаффус!
- 45'
Биринчи бўлимга 1 дақиқа қўшиб берилди.
- 43'
Тайм сўнгини "темирйўлчилар" фаолроқ ўтказяпти.
- 41'
Амонов узоқ масофадан ўз омадини синаб кўрди. Зарбага аниқлик етишмади.
- 38'
Жарима майдонига етказиб берилган тўпни қўқонлик ҳимоячилар узоқлаштирди.
- 35'
Микляев шогирдлари фаолликни оширмоқда. Энди улар рақиб жарима майдони яқинида тез-тез кўриниш беряпти.
- 33'
Дилшод Комилов тупган тўп ҳимоячига тегиб, ўз йўналишини ўзгартирди.
- 32'
Диёр Туроповнинг голи офсайд туфайли инобатга олинмади.
- 29'
Файзиевга нисбатан ишлатилган қўполлик учун Раевац огоҳлантирилди.
- 27'
Ҳасанов яқин масофадан дарвозани аниқ нишонга ола олмади.
- 24'
Туроповнинг зарбасига аниқлик етишмади.
- 22'
"Темирйўлчилар"нинг камсонли уринишларидан навбатдагиси ҳам бесамар якунланди.
- 19'
Жарима майдонига узатилган тўпни Илёсов эгаллаб олди.
- 17'
Майдон эгалари тинмай ҳужум уюштиряпти. "Локо" қарши ҳужумда яхши ҳаракат қилмоқда.
- 14'
"Локо" футболчиси воқеалар ривожидан бироз илгарилаб кетди.
- 12'
Марказга оширилган тўпни "темирйўлчилар" майдон ташқарисига чиқариб юборди.
- 11'
Жарима майдони яқинида қўқонликлар яхши стандарт вазиятга эга бўлди.
- 9'
ГООООООООООЛЛЛЛЛЛЛ! "Локомотив" ҳисобни очди!
Шеригининг ажойиб узатмасидан кейин бирга-бир вазиятга чиқиб борган Жавоҳир Алижонов дарвозани ишғол қилди. Унинг тўпни ўзига бўйсундириши шунчаки зўр чиқди.
- 8'
Бош билан берилган зарбани Жавоҳир Илёсов ушлаб олди.
- 5'
Шериги узатган тўпга Сардор Азимов ета олмади.
- 3'
Майдон эгалари дастлабки дақиқалардан олдинга ўтяпти.
- 1'
Учрашув бошланди!
- 0'
Футбочлилар майдонга тушиб келди. Ўйин бир неча дақиқалар ичида сарт олади.
Фикрлар