Суперлигада "Металлург"нинг ўрнида қайси жамоа иштирок этиши ойдинлашиб бормоқда

"Металлург" клуби Суперлигада иштирок этмаслиги маълум бўлганидан сўнг мамлакат биринчилигида иштирок этиш учун бир қатор жамоалар варианти кўриб чиқилаётганди. 

Шунингдек, молиявий ҳолати ҳали очиқланмаган Тошкентнинг "Олимпик" клубига ҳам қарор қабул қилиш учун 5 январга қадар муҳлат берилганди. 

Бизга маълум бўлишича, келаси мавсумдан эътибор "Хоразм" клуби катта эҳтимол билан Суперлигада иштирок этади. Чемпионат даражасига мос келиш учун футболчилар билан музокаралар бошланган. 

Таъкидлаш керак, ўтган мавсум "Хоразм" клуби Про лигада 29 очко билан 6-ўринни қўлга киритганди.