Suv polosi. Qizlarimiz 11-o‘rin uchun qozog‘istonlik tengqurlari bilan kuch sinashadi

Serbiyaning Belgrad shahrida suv polosi bo‘yicha yoshlar o‘rtasida o‘tkazilayotgan Jahon chempionati poyoniga etib bormoqda.

Guruh bahslari yakuniga etgach, chorak final hamda 9-16-o‘rinlar uchun bahslar boshlandi. Ushbu bosqichda O‘zbekiston ayollar terma jamoasi 9-12-o‘rinlar uchun kurashni davom ettiradigan bo‘ldi.

Dastlabki o‘yinda Xorvatiya ayollar terma jamoasiga qarshi maydonga tushgan Akbar Sodiqov shogirdlari yakunda 5:22 hisobida imkoniyatni boy berishdi. 9-12-o‘rinlar uchun bo‘lib o‘tgan ikkinchi o‘yinda esa kanadalik uoterpolchilar Qozog‘iston termasi ustidan 14:7 hisobida zafar quchishdi.

Shu tariqa, 7 avgust kuni o‘tkaziladigan o‘yinlarda O‘zbekiston va Qozog‘iston terma jamoalari 11-12 o‘rinlar, Kanada va Xorvatiya terma jamoalari esa 9-10 o‘rinlar uchun o‘zaro kuch sinashadi.

7 avgust

11-12-o‘rin

O‘zbekiston – Qozog‘iston

9-10-o‘rin

Xorvatiya – Kanada.

O‘zbekiston suzish federatsiyasi matbuot xizmati