Сузувчимиз ЖЧда стартга чиқмади

Айни кунларда Жанубий Кореянинг Квангжу шаҳрида сув спорти турлари бўйича жаҳон чемпионати бўлиб ўтмоқда. Бугунги кун дастурида эркаклар ўртасида 50 метрга эркин усулда сузиш баҳслари доирасида ҳамюртимиз Хуршид Турсунов ҳам баҳс олиб бориши керак эди. 

Бироқ вакилимиз номаълум сабабга кўра яна стартга чиқа олмади. Яна дейишимизнинг боиси Турсунов бундан 2 кун муқаддам худди шу усулда 100 метр масофага ўтказилган баҳсда ҳам стартга чиқмаган эди.