Таиландда кураш бўйича Осиё чемпионати старт олди

Бугун Кураш бўйича Ёшлар ўртасидаги Осиё чемпионати баҳслари бошланди.

Унда қитъамизнинг 12 та давлатидан 100 нафардан зиёд энг сара полвонлари ғолиблик учун беллашмоқда. Чонбури шаҳрининг Катсерат Университети спорт мажмуасида бўлиб ўтаётган баҳслар Таиланднинг бир неча телерадиоканаллари, Жанубий Кореянинг "Fight Cast media" платформаларида тўғридан тўғри эфирга узатилмоқда.

Вакилларимизга омад ёр бўлсин! Воқеалар ривожини сайтимиз орқали кузатиб боринг.