Таниқли менежер Илия Топуриянинг камари учун 2 та энг кучли даъвогарларни санаб ўтди

"Dominance MMA Management" агентлиги асосчиси ва машҳур менежер Али Абдель-Азиз UFC енгил вазн тоифасидаги (70 кг) титул масаласи бўйича ўз фикрларини билдириб ўтди.

"Ҳеч нарса ўзгармади. Жастин Гэтжи ўз позициясида қолмоқда. Уни тўлиқ қўллаб-қувватлайман. Унга титул жангини бериш тўғри қарор бўлади. Агар Арман Царукянга Жастиндан олдин титул учун жанг эълон қилишса, бунга ҳам қарши эмасман. У рейтингда биринчи, ғалабалар серияси ҳам жуда кучли. Бироқ Гэтжиннинг UFC да қилган барча ишларини ҳисобга олсак, унга берилиши керак бўлган энг ками — бу Топурияга қарши чемпионлик баҳсидир", — деди Абдель-Азиз.

Эслатиб ўтамиз, Илия Топурия — ҳозирги вақтда UFC енгил вазн чемпиони ҳисобланади. У вакант бўлган камарни бразилиялик Чарльз Оливейрани мағлуб этган ҳолда қўлга киритган.