"Сити" таркибини қанча туради?

Англиянинг энг қиммат таркибга эга клублари аниқланди. Transfermarkt портали маълумотларига кўра, ҳозирги кунда энг катта маблағ эвазига шакллантирилган жамоалар рўйхатида "Ливерпуль" ва "Манчестер Сити" пешқадамлик қилмоқда. 

Портал ҳисоб-китобларига кўра, "Ливерпуль" ва "Манчестер Сити" таркибларини тузиш учун жамоалар томонидан сарфланган умумий маблағ 1,14 миллиард евро атрофида баҳоланган. Бу рақамга футболчилар учун тўланган барча трансфер тўловлари ва шартномада кўзда тутилган қўшимча мажбуриятлар ҳам киритилган. 

Энг қиммат ўнта клуб рўйхатига "Манчестер Сити" ва "Ливерпуль"дан ташқари қуйидаги жамоалар киради: – "Челси" (Англия) — 1,05 миллиард евро – "Тоттенхэм" (Англия) — 1,03 миллиард евро – "Манчестер Юнайтед" (Англия) — 1,03 миллиард евро – "Арсенал" (Англия) — 1,00 миллиард евро – "Реал" (Испания) — 909,50 миллион евро – "ПСЖ" (Франция) — 841,02 миллион евро – "Ньюкасл" (Англия) — 789,75 миллион евро – "Астон Вилла" (Англия) — 566,00 миллион евро.

 Шу тариқа, рейтингнинг биринчи ўнталигидан еттита клубни айнан Англия жамоалари эгаллагани кўриниб турибди. Бу эса Премьер-лига клубларининг трансфер бозоридаги молиявий устунлигини яна бир бор тасдиқлайди. 

Transfermarkt портали экспертлари таъкидлашича, ҳисоб-китобларда фақат клублар таркибида ҳозирда расман қайд этилган футболчилар учун тўланган маблағлар инобатга олинган. Бошқа жамоаларга ижарага берилган ўйинчилар эса жамоа таркибининг умумий қийматига қўшилмаган.