Тайсон Фьюрининг фаолиятидаги энг кучли рақиб ким бўлган? Бу Усик эмас !

Буюк британиялик боксчи Тайсон Фьюри карьераси давомида дуч келган энг кучли боксчи хақида гапирди.

"Агар мендан фаолиятимдаги энг қийин рақиб ким бўлганини сўрашса, Деонтей Уайлдер деб жавоб берардим. У билан 2018 йилда ўтказилган жангимизни эслайлик. Ўшанда Уайлдер қутирган йиртқич эди. Биргина кичик хато сабаб нокаутга учрашимга озгина қолганди", - дея Фьюрининг сўзларини келтирди "BoxingNews24".

Эслатиб ўтамиз, 2018 йил 12 декабрь куни бўлиб ўтган Тайсон Фьюри ва Деонтей Уайлдер жангида дуранг (113-113; 114-112; 111-115) натижа қайд этилган.