Тебас: "Ла Лигадаги рақобат жуда юқори"

Ла Лиганинг президенти Хавьер Тебас Суперлига лойиҳаси хавфлари ҳақида гапирди ва мавжуд чемпионатнинг рақобатбардошлигини юқори баҳолади.

"Футбол Испания ЯИМининг 1,4 фоизини ташкил этади. Агар Суперлига жорий этилса, Испанияда 1,16 миллиард евро йўқотар эдик – бу 32% камайиш дегани" – деди Тебас.

Унга кўра, лиганинг кучли жиҳати — аниқ ғолибсиз, очколар бўйича жуда тор рақобат. 

"Чемпион 90 очкодан кам тўпласа, демак, чемпионатда ҳақиқий кураш бор" – ддея қўшимча қилди Ла Лига президенти.

Эслатиб ўтамиз, ҳозирда Ханс-Дитер Фликнинг "Барселона"си 35 та учрашувдан сўнг 82 та очко билан пешқадам бўлиб турибди. Кетиши аниқ бўлиб улгурган Карло Анчелотти бошчилигидаги "Реал Мадрид" эса 75 очко билан каталонияликлардан кейинги ўринни эгаллади. Мадриднинг "Атлетико" клуби эса 70 очко тўплаган ҳолда, учинчи ўринда бормоқда.