Тедди Атлас: "Ҳозир кўпчилик эътироз билдирмоқда, аммо жанг натижаси ҳаққоний бўлди"

Таниқли мураббий Тедди Атлас Ар-Риёдда бўлиб ўтган Дмитрий Бивол ва Артур Бетербиев ўртасидаги жанг ҳақида гапирди.

"Мен ўзим ҳам ўша жангдаги очколарни тахминан ҳисоблаб бордим. Якунда эса аниқ ғолиб бор эди. Менимча, Бетербиев 115-113 ҳисобида ғалаба қозонди. Ҳозир кўпчиилик эътироз билдирмоқда, аммо жанг натижаси ҳаққоний бўлди", - дея мураббийнинг сўзларини келтирди "Boxing News". 

Эслатиб ўтамиз, муросасиз кечган жангда Артур Бетербиев очколар бўйича (114-114, 115-113, 116-112) Дмитрий Биволдан устун келди.