Тэмми Абрахам: "Моуриньо менга амакимдек"

"Рома" ҳужумчиси Тэмми Абрахам мураббий Жозе Моуриньонинг Португалия терма жамоада иш бошлаши ҳақида фикр билдирди.

"Жозе ажойиб мутахассис ва уни олиб келишни ҳамма истайди. Португалия каби кучли жамоа унга қизиқиш билдираётганидан фахрланаман. Ишончим комил, у бош эътиборини "Рома"га қаратган. 

ОАВ орқали бу ҳақда жуда кўп ўқидик, аммо бирор марта гаплашганимиз йўқ. Моуриньо доим бизнинг ўсишимизга ҳаракат қилади, бор эътиборимиз мавсумни яхши ўтказишга қаратилган.

Аввал ҳам айтганман: у менга амакимдек. Жозени доим шундай деб ҳисоблаганман. У йўлбошчимиз ва мендан энг яхшисини талаб қилади. Мен шу нарсадан мотивация оламан.

Ёмон ўйин намойиш этсам, у дарҳол буни айтади. Баъзида яхши ҳаракат қилсам ҳам унинг кўнгли тўлмайди. Бу менга керак бўлган нарса. У доим тўғри йўлни кўрсатувчи мураббий",-деди Тэмми.