Темурхўжа Абдухолиқов ва унгача бўлган “Локомотив” тўпурарлари ҳақида

 

2016 йилда “Локомотив” жамоаси ўзи иштирок этган 3 та мусобақанинг 2 тасида зафар қучди. Айниқса, мамлакат чемпионатида олтин медалларнинг қўлга киритилганлиги “Темирйўлчилар” жамоаси ишқибозларини беҳад қувонтирди.

Шу ўринда таъкидлаш жоизки, “Локо”нинг Олий лигада чемпионликка эришишида жамоанинг бошқа аъзолари қаторида ҳужумчи Темурхўжа Абдухолиқовнинг ҳам хиссаси катта бўлди. Маҳоратли футболчи мавсум давомида ички чемпионатимизда 22 та гол киритишга муваффақ бўлди ва “Олий лига тўпурари” номига эга чиқди.

Қуйида эътиборингизга “Локомотив”нинг Олий лигада иштирок этган йилларидаги тўпурарлари рўйхатини келтириб ўтамиз. Диққатга сазовор жиҳати шундаки, шу пайтга қадар ҳеч бир тўпураримиз бир мавсум давомида Олий лигада 20 тадан ортиқ гол киритмаган эди. Темурхўжа бу борада биринчи бўлди.

"Локомотив"нинг барча мавсумдаги тўпурарлари:

2004 йил - Марсель Идиатуллин - 7та
2005 йил - Марсель Идиатуллин - 11та
2006 йил - Марсель Идиатуллин - 12та
2007 йил - Илҳом Мўминжонов - 5та
2008 йил - Олим Навкаров - 9та
2009 йил - Музаффар Умрзоқов - 10та
2010 йил - Арам Восканян, Музаффар Умрзоқов - 3та
2012 йил - Зайниддин Тожиев - 12та
2013 йил - Фарҳод Тожиев - 17та
2014 йил - Фарҳод Тожиев - 13та
2015 йил - Санжар Шоаҳмедов - 14та
2016 йил - Темурхўжа Абдухолиқов - 22та