Теннис. Нигина Абдураимова Australian Open'ни ғалаба билан бошлади

Ҳамюртимиз Нигина Абдураимова Австралия очиқ чемпионатининг дастлабки саралаш босқичидан муваффақиятли ўтди. Теннисчимиз бироз аввал якунига етган учрашувда испаниялик Лейре Гормазни 3 сетда мағлубиятга учратди.

МОҚ матбуот хизматининг ёзишича, 1 соат 52 дақиқа давом этган баҳсда юртдошимиз биринчи сетни 2:6 ҳисобида бой берган бўлса ҳам, ўйиннинг қолган қисмини ўз ташаббуси остида ўтказди ва 6:3, 6:2 ҳисобларида ғалаба қозонди. Абдураимова иккинчи босқични америкалик Кэти Волынецга қарши ўтказади. Ушбу учрашув 11 январь куни бўлиб ўтиши белгиланган.