Теннисни тугатган Надаль “Реал” президенти бўлмоқчи

Теннис оламининг энг машҳур ўйинчиларидан бўлган Рафаэль Надаль профессионал фаолиятини якунлаётганини эълон қилди.

Машҳур теннисчи 18-24 ноябрь кунлари Малага шаҳрида бўладиган Дэвис кубоги финалидан кейин катта спортни тарк этади.  

Испаниялик спортчи келажакда ўзи ёқтирган “Реал” клубини бошқариш режаси борлигини маълум қилди.

- Мен “Реал”нинг президенти бўлишни истайман. Лекин айни пайтда клубни унинг тарихидаги энг яхши ва муносиб раҳбар бошқармоқда, - деди Рафаэль Надаль.

38 ёшли Рафаэль Надаль ATP таснифидаги мусобақаларнинг яккалик баҳсларида 92 та, жуфтлик беллашувларида 11 та совринни қўлга киритган. У 209 ҳафтани жаҳон рейтингининг биринчи ракеткачиси сифатида ўтказган.