Тер Штеген бу ишни мавсумда 2-марта қилди

Хабарингиз бор кеча "Барселона" "Мальорка"га қарши ўйинда 7-дақиқадаёқ ҳисобда олдинга чиқиб қолди.

Эътиборлиси, ҳужумчи Антуан Гризманн урган голга дарвозабон Марк-Андре тер Штеген ассистентлик қилди. Таъкидлаш керакки, бу германиялик посбоннинг мавсумдаги иккинчи ассистентлиги бўлди.

Маълумот учун, тер Штеген жорий мавсум “Барселона” сафида 19 та ўйинда майдонга тушди ва шулардан 6 тасида ўз дарвозаси дахлсизлигини сақлаб қолди.