Тер Штеген XXI асрдан буён "Барселона" дарвозабонлари амалга оширолмаган ишни қилди

Хабарингиз  бор "Барселона" бугун Ла Лиганинг 7-турида "Хетафе" устидан 2:0 ҳисобида ғалабага эришди.

Эътиборлиси, учрашувдаги голларнинг бирига каталонияликлар дарвозабони Марк-Андре тер Штеген ассистентлик қилди. Opta статистик портали тарқатган хабарга кўра германиялик посбон “кўк-анор ранглилар” сафида голли узатмага муаллифлик қилган XXI асрдаги илк дарвозабонга айланди.

Эслатиб ўтамиз, тер Штегеннинг узатмасидан сўнг Луис Суарес бирга-бир вазиятга чиқиб борди ва тўпни рақиб дарвозабони устидан ошириб гол урди.