Тер Штегеннинг “Барса”даги даври тугади

“Барселона” дарвозасини 2014 йилдан бери қўриқлаб келган Марк-Андре тер Штеген жароҳатини даволатиб қайтганидан кейин бошқа жамоага ўтиши кутиляпти.

TEAMtalk нашрининг маълум қилишича, каталонияликлар 33 ёшли голкиперни тезроқ сотиб юбориш йўлларини қидирмоқда. Сабаби, ёзда олинган Жоан Гарсиянинг ўйинлари клуб раҳбарияти ва мураббийлар штабини тўлиқ қониқтирмоқда. 24 ёшли янги посбон ўзи иштирок этган олтита учрашувдан тенг ярмида даврозаси дахлсизлигини сақлаб қолган.

Манбага кўра, Марк-Андре тер Штегеннинг Англия Премьер-лигасининг бадавлат клублари – “Манчестер Юнайтед”, “Тоттенхэм” ва “Ньюкасл Юнайтед” ўз таркибида кўрмоқчи. Уларнинг бари немис дарвозабонини январь ойида кейинчалик тўлиқ трансфер қилиш ҳуқуқи билан ижарага олишни режалаштирмоқда.

Тер Штеген Каталонияга келганидан бери “Барселона” дарвозасини жами 422 та учрашувда қўриқлади. Жамоа билан олти мартадан Испания чемпиони ва мамлакат куюоги соҳиби бўлди, Чемпионлар лигасида ғолиб чиқди.