Терма жамоа бош мураббийи "Навбаҳор"да иш бошлайдими?
Хабарингиз бор, «Навбаҳор» клубида яна ўзгаришлар юз берган бўлиб, россиялик Андрей Канчельскис бош мураббийлик лавозимига қайтарилди. Ҳозирда эса наманганликлар ушбу мураббий бошчилигида машғулотларни давом эттиришмоқда.
Олинган маълумотларга қараганда, наманганликлар Ўзбекистон U-19 терма жамоаси бош мураббийи Отабек Ғуломхўжаевга таклиф билан чиқишган. Бу орқали «Навбаҳор»нинг мураббийлар штабини янада кенгайтириш кўзда тутилганлигини пайқаш қийин эмас.
Эътиборлиси, Ғуломхўжаев чиндан ҳам «Навбаҳор»дан таклиф бўлганлигини тан олди. Лекин ҳозирча унинг клубда ишлаши ёки ишламаслиги борасида бир нима дейиш қийин. Боиси, ушбу ёш мутахассис бор эътиборини терма жамоага қаратган ҳолда олдинда турган Осиё чемпионати саралаш баҳсларига жиддий аҳамият бермоқда. Аммо мазкур вазият бўйича воқеалар ривожини кузатиб борамиз.
Фикрлар