Terma jamoa bosh murabbiyi "Navbahor"da ish boshlaydimi?

Xabaringiz bor, «Navbahor» klubida yana o‘zgarishlar yuz bergan bo‘lib, rossiyalik Andrey Kanchelskis bosh murabbiylik lavozimiga qaytarildi. Hozirda esa namanganliklar ushbu murabbiy boshchiligida mashg‘ulotlarni davom ettirishmoqda.

Olingan ma’lumotlarga qaraganda, namanganliklar O‘zbekiston U-19 terma jamoasi bosh murabbiyi Otabek G‘ulomxo‘jaevga taklif bilan chiqishgan. Bu orqali «Navbahor»ning murabbiylar shtabini yanada kengaytirish ko‘zda tutilganligini payqash qiyin emas.

E’tiborlisi, G‘ulomxo‘jaev chindan ham «Navbahor»dan taklif bo‘lganligini tan oldi. Lekin hozircha uning klubda ishlashi yoki ishlamasligi borasida bir nima deyish qiyin. Boisi, ushbu yosh mutaxassis bor e’tiborini terma jamoaga qaratgan holda oldinda turgan Osiyo chempionati saralash bahslariga jiddiy ahamiyat bermoqda. Ammo mazkur vaziyat bo‘yicha voqealar rivojini kuzatib boramiz.