Терма жамоа футболчиси тўрт ўйинга ҳайдалди

Коста-Рика терма жамоаси бош мураббийи Фернандо Батиста Москванинг “Спартак” клуби ҳужумчиси Манфред Угальдени навбатдаги ўйинларга чақирмаслик сабабини тушунтирди.

- Угальде дисквалификация муддатини ўтаб чиқиши керак. У Гондурас билан бўлган охирги саралаш ўйинида майдондан четлатилган ва энди тўрт учрашувни ўтказиб юборади.

Ростини айтсам, мен уни жамоада кўришни ва яқиндан танишишни жуда хоҳлардим, чунки мен ҳали уни шуғуллантирмаганман.

Бироқ у ўртоқлик ўйинларида қатнашиши мумкинлиги яхши, айниқса йилнинг иккинчи ярмида Миллатлар лигаси бошланишини ҳисобга олсак. Худога шукр, Угальде эҳтимол Англияга қарши ўртоқлик ўйинида иштирок этиши мумкин, - деди Батиста.