Терма жамоадан икки футболчи номи ўчирилди

Англия миллий терма жамоаси мураббийлар штаби икки нафар машҳур футболчини Германиядаги Европа чемпионатида қатнашадиган таркибдан чиқарди.

Маълумотларга қараганда, иккита жаҳон чемпионатида ўйнаган тажрибали ҳимоячи Ҳарри Магуайр жароҳати туфайли қитъа чемпионатида иштирок эта олмайди.

“Манчестер Сити” сафида Англия чемпиони бўлган Жек Грилиш эса, жисмоний ҳолати талабга жавоб бермагани учун таркибдан чиқарилади. Бу ҳақда The Athletic нашри хабар тарқатди.

Бундан ташқари, дастлабки рўйхатга киритилган “Бёрнли” дарвозабони Жеймс Траффорд, “Ливерпуль” ҳимоячиси Жарелл Куанса ҳам таркибдан чиқарилиши кутиляпти.

Англия терма жамоаси “Евро-2024”нинг “С” гуруҳида Сербия, Дания ва Словения билан куч синашади.