Терма жамоаларимиз йиғинни бошлади

Катталар ўртасидаги Ўзбекистон чемпионати якунланиши биланоқ терма жамоаларимиз йиғинни бошлашди.

Элшод Расулов бошчилигидаги аёллар миллий терма жамоамиз 2-20 февраль кунлари Тошкент вилоятида жойлашган "Янгиобод спорт базаси"да ўқув-машғулот йиғинини олиб боришади. Олдинда муҳим мусобақалардан жамоамиз учун Сербияда бўлиб ўтадиган аёллар ўртасидаги Жаҳон чемпионати бор.

Эркаклар терма жамоамиз ҳам, эртадан 5-21 февраль кунлари Янгиободда машғулотларни бошлашади.  Уларни олдинда кичик жаҳон чемпионати мақоми остида ўтказиладиган "Strandja" халқаро турнири кутиб турибди.

Бу ҳақда Ўзбекистон бокс федерацияси хабар бермоқда.