Терри "Челси" қароридан норози: "Менга ҳеч ким қўнғироқ қилмади"
Англиянинг "Челси" клуби Лиам Росеньорни истеъфога чиқаргач, жамоа вақтинча Калум Макфарлен қўл остига ўтди. Аммо клуб афсонаси Жон Терри янги мураббий штабига киритилмаганидан қаттиқ норозилигини билдирди.
"Мен жуда хафаман. Ғазабни ҳис қиляпман ва "Челси" мухлисларининг тушкунлигини ҳам тушунаман. Калумнинг штаби қандай бўлишини билмайман — менга ҳеч ким қўнғироқ қилмади, ҳеч қандай хабар ҳам келмади. Академиядаги ишимни давом эттираман", — деди Терри "Foot Mercato" нашрига.
Айни пайтда "кўклар" афсонаси бўлган, клуб билан 15 та соврин ютиб олган Терри "Челси" ёшлар академиясида мустақил маслаҳатчи сифатида фаолият юритмоқда.
Маълумот учун, у аввалроқ "Астон Вилла" ва "Лестер" клубларида мураббий ёрдамчиси сифатида ишлаган.
Фикрлар