Тезкор! Анчелоттининг “Реал”даги келажаги ҳал бўлди

“Реал” бош мураббийи Карло Анчелотти “Қироллик клуби” билан ҳамкорлик шартномаси 2026 йилнинг 30 июнигача давом этишига қарамай, Мадридни тарк этадиган бўлди.

Marca нашрининг маълум қилишича, италиялик мутахассис май ойининг охирги ҳафтаси клубдан кетишини расман эълон қилади.

65 ёшли мутахассис Бразилия терма жамоасини бошқаришга розилик бергани айтилмоқда.

Карло Анчелотти “Реал”ни 2021 йили иккинчи бор қабул қилиб олди. Бу мураббий 2013-2015 йилларда ҳам бу жамоада бош мураббий бўлиб ишлаган.

Анчелотти қўл остида “Реал” футболчилари уч бор Европа Чемпионлар лигаси, икки мартадан Ла Лига ва Испания кубогида ғолиб чиққан.