Тезкор: Таниқли футболчи ўзини ўлдирмоқчи бўлди

“Ницца” ярим ҳимоячиси Алексис Бека-Бека ўз жонига қасд қилишга уринди. Бироқ махсус хизматлар ва психологлар футболчининг фикрини ўзгартиришга муваффақ бўлди.

Бунинг оқибатида Бека-Бека ўзини ташламоқчи бўлган кўприкни тарк этди. Нохуш воқеа ҳақида журналист Маттейс Пок маълумот берди.

Алексис суицид қилмоқчи бўлган кўприк Маньян, деб номлади ва у Ницца шаҳридаги катта трасса бўйлаб жойлашган.

22 ёшли ярим ҳимоячи “Кан” клуби тарбияланувчиси ҳисобланади. У 2021 йили “Кан”дан Москванинг “Локомотив” жамоасига трансфер қилинган.

Бека-Бека “Ницца”га бир йил олдин, 12 миллион евро эвазига кўчиб ўтган эди. Унинг шартномаси 2027 йилнинг ёзигача тузилган.