Tojikiston bosh murabbiyi: "Katanets bilan do‘stmiz, ammo maydonda g‘alaba uchun maydonga tushamiz!"

Ertaga "CAFA Nation's Cup" musobaqasiga start beriladi. 7 ta terma jamoa ishtirok etadigan turnir oldidan Tojikiston terma jamoasi bosh murabbiyi Petar Segrt matbuot anjumanida ishtirok etdi. 

"CAFA Nation's Cup" turniri mintaqa uchun katta ahamiyatga ega. Bu musobaqaning davomiy bo‘lishini istagan bo‘lardim. 

O‘zbekiston kabi boshqa davlatlar ham kuchli. Ularga past baho bermaslik kerak.

Shuningdek, O‘zbekiston klublariga o‘z minnatdorchiligimni bildirib qolaman. Sababi, bu mamlakat ligasida 4 futbolchimiz to‘p tepadi. Bu ham biz uchun foyda berishi mumkin (kuladi).

Qolaversa, ikki davlatning tashkilotchilik ishlariga ham omad tilab qolamiz. O‘ylashimcha, ular bu ishni maksimal darajada uddalay oladi. 

Bizning futbolchilar xorij maydonlarida yuqori natijalar qayd etishmoqda. Yigitlar Ukrainada, Eronda chempion bo‘lishni eplashmoqda. Bu hazilakam natija emas!

Hozir muammolar haqida gapirib o‘tirmoqchi emas. Ularga echim topgan holda musobaqada eng yaxshi natija uchun harakat qilamiz. Biz - Tojikistonmiz va buni maydonda ham ko‘rsatishga urinamiz.

Katanets - ajoyib murabbiy. U bilan do‘stmiz, ammo maydonda g‘alaba uchun maydonga tushamiz!", - dedi mutaxassis.