Тожикистон терма жамоасига чақирилган футболчилар рўйхати эълон қилинди. Суперлигамиздан қайси легионерлар бор?

22 март куни эрталаб Тожикистон миллий терма жамоаси ФИФА кунларидан фойдаланиб навбатдаги йиғинни ўтказиш учун БААнинг Абу-Даби шаҳрига жўнаб кетади.

Олдин хабар берганимиздек, Тожикистон 25 март куни БАА, 28 март санасида Қувайт термаларига қарши ўртоқлик учрашувларида майдонга тушади.

Тожикистон терма жамоаси бош мураббийи Петр Сегрт мазкур йиғинга 24 нафар ўйинчини жалб қилди. Уларнинг орасида Суперлигамизда тўп сураётган легионерлар ҳам бор.

Дарвозабонлар: Рустам Ятимов, Муҳриддин Ҳасанов (иккиси – «Истиқлол»), Шохруҳ Қиргизбоев («Хўжанд»)

Ҳимоячилар: Вахдат Ханонов («Персеполис», Эрон), Ахтам Назаров («Андижон», Ўзбекистон), Зоир Жўрабоев («Нефтчи», Ўзбекистон), Манучехр Сафаров («Локомотив», Ўзбекистон), Мехрубон Каримов («Самгурали», Грузия), Сиёвуш Асроров, Табрез Исломов, Далер Имомназаров, Алижон Кароматуллозода (барчаси – «Истиқлол»);

Ярим ҳимоячилар: Парвизжон Умарбоев (ЦСКА-1948, Болгария), Амирбек Жўрабоев («Кедах», Малайзия), Муҳаммаджон Раҳимов («Насаф», Ўзбекистон), Комрон Турсунов (ТРАУ, Ҳиндистон), Муродали Акназаров («Антальяспор», Туркия), Алишер Жалилов, Эхсони Паншанбе, Алижони Айни (барчаси – «Истиқлол»);

Ҳужумчилар: Шахром Самиев («Зимбру», Молдова), Манучехр Жалилов, Шервони Мабатшоев (иккиси – «Истиқлол»), Нуриддин Ҳамроқулов («Регар-ТадАЗ»).

Бош мураббий – Петр Сегрт (Хорватия).