Токио-2020. Боксчиларимиз уйғотган умид

Токио-2020 Олимпия ўйинларининг саккизинчи кунида 9 нафар ҳамюртимиз иштирокидаги баҳслар гувоҳига айландик.

Қуйида ушбу спортчиларимиз билан танишиб олишингиз мумкин:

1.Шаҳобиддин Зоиров (бокс, эркаклар 48-52 кг)

2.Мухтасар Тохирова (ўқ отиш, аёллар)

3.Элнур Абдураимов (бокс, эркаклар 57-63 кг)

4.Ўзбекистон дзюдо терма жамоаси Нидерландия терма жамоасига қарши жамоавий беллашувларда иштирок этади.

Маълумот учун, дзюдо бўйича жамоавий баҳсларда ҳар бир терма жамоадан 3 нафар эркак, 3 нафар аёл, жами 6 нафардан спортчи қатнашади.

Бокс. Эркаклар ўртасида -52 кг вазн тоифасида юртимиз шарафини ҳимоя қилаётган боксчимиз Шаҳобиддин Зоиров нимчорак финалда Кабо Верде вакили Давид Варела билан рингга кўтарилди. Унда Зоиров рақибини ортиқча қийинчиликсиз таслим қилди - 5:0. Боксчимиз чорак финалда Филиппин вакили Карло Палам билан беллашади.

zoirov

-63 кг вазн тоифасида Элнур Абдураимов қўшни тожикистонлик Осиё чемпиони Баҳодир Усмоновга қарши рингга кўтарилди. Нимчорак финалдаги баҳсда ҳамюртимиз Баҳодир Усмоновдан 5:0 ҳисобида устун келди ва чорак финалга чиқди. Ҳамюртимизни ушбу босқичда арманистонлик Ованесс Бачков кутиб турибди.

elnur

Ўқ отиш. Ўзбекистонлик Мухтасар Тохирова ўқ отиш баҳсларида 50 метрдан 3 ҳолатда ўқ отиш дастурида қатнашди.

Вакиламиз ҳар уч машқлар якуни бўйича 1155 очко жамғаришга муваффақ бўлди. Бу билан у ушбу дастурни 37 нафар спортчи ичида 30-натижада якунлади. Кейинги босқичга энг кучли 8 нафар мерган йўл оларди. Афсуски, ҳамюртимиз улар қаторидан жой эгаллай олмади.

Маълумот ўрнида, ушбу Олимпиадага 2 та лицензия олган Тохирова бунгача 10 метр масофада ўтказилган дастурда ҳам иштирок этган эди.

photo_2021-07-31_10-19-42

Дзюдо. Ўзбекистон ҳамда Нидерландия терма жамоалари ўртасидаги илк беллашувда +90 кг вазн тоифасида ҳамюртимиз Бекмурод Олтибоев рақиби Хенк Гролни илк сониялардаёқ иппон баҳоси билан енгди.

Аёллар ўртасида -57 кг вазн тоифасида Диёра Келдиёрова рақиби Санне Верхагенга мағлуб бўлди.

Ҳикматиллоҳ Тўраев эркаклар ўртасидаги -73 кг вазн тоифасида Торнике Тсякадоеаени “Golden Score”да мағлубиятга учратди ва терма жамоамизни ҳисобда олдинга олиб чиқди.

Аёллар ўртасида -70 кг вазн тоифасида яна бир ҳамюртимиз Гулноза Матниязова тажрибали рақибаси Санне ван Дийкени “Golden Score”да таслим этди.

Афсуски, эркаклар ўртасидаги -90 кг вазн тоифасида Давлат Бобонов рақиби Ноел ван Тендга енгилди.

Аёллар ўртасида +70 кг вазн тоифасида татамига чиққан ҳамюртимиз Фарангиз Ҳожиева нидерландиялик Гусе Стинхаусга ютқазиб қўйди. Ҳисоб 3:3.

Ҳал қилувчи беллашувда +90 кг вазн тоифасида Бекмурод Олтибоев ва Хенк Грол татамига кўтарилди. Бироқ Олтибоев бу сафар мағлубиятга учради. Терма жамоамиз эса мусобақани илк босқичдаёқ тарк этди.

photo_2021-07-31_05-12-52

1 август куни 5 нафар ўзбекистонлик спортчи Токио-2020 ёзги Олимпия ўйинларида иштирок этади.

Қуйида ушбу спортчиларимиз билан танишиб олишингиз мумкин:

1.Дарья Резниченко (енгил атлетика, аёллар, узунликка сакраш, саралаш B гуруҳ ) – 05:50

2.Элмурат Тасмуродов (юнон рум кураши, эркаклар, -60 кг) – 07:05

3.Мўминжон Абдуллаев (юнон рум кураши, эркаклар, -130 кг) – 07:20

2.Баҳодир Жалолов (бокс, эркаклар, +91 кг) – 09:06

5.Кумушхон Файзуллаева (оғир атлетика, аёллар, -76 кг) – 15:50

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию
Oybek Maxammadiyev
01/08/2021 00:18
Kurashchilarni qishloqlardan terib kelish kerak. Bular Nima qilyapti tushadiyu yiqiladi. Parot. Parot.