Токио-2020. Ўзбекистонлик спортчиларнинг бугунги иштироки якунланди

Бугун июль ойининг сўнгги кунида жами 9 нафар ўзбекистонлик спортчи Токио-2020 ёзги Олимпия ўйинларида иштирок этди. Ушбу саҳифада сиз спортчиларимизнинг қайд этган натижалари билан  тарзда танишиб олишингиз мумкин.

Вакиламиз ҳар уч машқлар якуни бўйича 1155 очко жамғаришга муваффақ бўлди. Бу билан у ушбу дастурни 30-натижада якунлади. Эслатиб ўтамиз, ушбу Олимпиадага 2 та лицензия олган Тоҳирова бунгача 10 метр масофада ўтказилган дастурда ҳам иштирок этган эди.

12:01. Ўқ отиш. Токио-2020 Олимпия ўйинларида иштирок этган ҳамюртимиз Мухтасар Тоҳирова ўз чиқишларини якунлади. Бугун у 50 метрдан 3 ҳолатда ўқ отиш дастурида қатнашди.

BOXING-OLY-2020-2021-TOKYO : News Photo

09:05. Бокс. Эркаклар ўртасида -63 кг вазн тоифасида юртимиз шарафини ҳимоя қилаётган ҳамюртимиз Элнур Абдураимов тожикистонлик рақиби Баходир Усмоновдан устун келди ва чорак финалга йўл олди. Ҳамюртимизни ушбу босқичда арманистонлик Ованес Бачков кутиб турибди.

BOXING-OLY-2020-2021-TOKYO : News Photo

08:51. Бокс. Эркаклар ўртасида -63 кг вазн тоифасида юртимиз шарафини ҳимоя қилаётган боксчимиз Элнур Абдураимов қўшни тожикистонлик Баходир Усмоновга қарши рингга чиқмоқда.

Энди ҳал қилувчи беллашувга +90 кг вазн тоифасида Бекмурод Олтибоев ва Хенк Грол татамига чиқди. Афсус, Олтибоев бу сафар мағлуб бўлди. Терма жамоамиз эса мусобақани илк босқичдаёқ тарк этди.

JUDO-OLY-2020-2021-TOKYO : News Photo

Аёллар ўртасида +70 кг вазн тоифасида татамига чиққан ҳамюртимиз Фарангиз Ҳожиева нидерландиялик рақиби Гусе Стинхаусга ютқазиб қўйди. Ҳисоб 3:3.

JUDO-OLY-2020-2021-TOKYO : News Photo

Афсус, эркаклар ўртасида -90 кг вазн тоифасида ҳамюртимиз Давлат Бобонов рақиби Ноел ван Тендга мағлуб бўлди. Ҳисоб 3:2 кўринишига келди.

JUDO-OLY-2020-2021-TOKYO : News Photo

Аёллар ўртасида -70 кг вазн тоифасида ҳамюртимиз Гулноза Матниязова тажрибали рақиби Санне ван Дийкени голден скорда мағлубиятга учратди. Ҳозирча ҳисоб 3:1, вакилларимиз олдинда.

Эркаклар ўртасида -73 кг вазн тоифасида Ҳикматиллоҳ Тўраев рақиби Торнике Тсякадоеаени голден скорда мағлубиятга учратди ва терма жамоамизни ҳисобда олдинга олиб чиқди.

Аёллар ўртасида -57 кг вазн тоифасида Диёра Келдиёрова рақиби Санне Верхагенга мағлуб бўлди. Ҳозирча ҳисоб 1:1.

JUDO-OLY-2020-2021-TOKYO : News Photo

07:51. Дзюдо. Ўзбекистон ҳамда Нидерландия терма жамоалари ўртасидаги беллашув бошланди. Илк баҳсда +90 кг вазн тоифасида ҳамюртимиз Бекмурод Олтибоев рақиби Хенк Гролни илк сониялардаёқ иппон баҳоси билан енгди.

Зоиров рақибини ортиқча қийинчиликсиз таслим қилди ва чорак финалга йўлланмани қўлга киритди.

07:30. Бокс. Эркаклар ўртасида -52 кг вазн тоифасида юртимиз шарафини ҳимоя қилаётган боксчимиз Шаҳобиддин Зоиров ва Кабо Верде вакили Даниэл Давид Варела де Пина иштирокидаги жанг бошланмоқда.

Қуйида ушбу спортчиларимиз билан танишиб олишингиз мумкин:

1.Ўзбекистон дзюдо терма жамоаси Нидерландия терма жамоасига қарши жамоавий беллашувларда иштирок этади.

2.Шаҳобиддин Зоиров (бокс, эркаклар 48-52 кг) – 07:30

3.Мухтасар Тохирова (ўқ отиш, аёллар) – 08:00

4.Элнур Абдураимов (бокс, эркаклар 57-63 кг) – 08:51

PS: Дзюдо бўйича жамоавий баҳсларда ҳар бир терма жамоадан 3 нафар эркак, 3 нафар аёл, жами 6 нафардан дзюдочи иштирок этади.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Комментарии

Для написания комментариев пройдите авторизацию