Томиясу жамоадошига ҳамдардлик билдирди

«Арсенал»нинг япониялик ҳимоячиси Такехиро Томиясу жамоадоши Габриэль Жезуснинг тиззасидан жароҳат олиб, жаҳон чемпионатининг қолган қисмини ўтказиб юборишидан афсусда экани ҳақида гапирди.

Эслатиб ўтамиз, бразилиялик футболчи Камерун билан баҳсда жароҳат олган эди.

«Жесуснинг жаҳон чемпионатининг қолган қисмини ўтказиб юбориши ачинарли ҳолат. Ҳар бир футболчи ушбу турнирда ўйнашни орзу қилади. Умид қиламанки, у тезроқ майдонга қайтади», — дейди Томиясу.

Маълумот учун, Япония терма жамоаси бугун соат 20:00да Жаҳон чемпионатининг ⅛ финалида Хорватия билан ўйнайди. Бу жуфтлик ғолиби чорак финалда Бразилия ёки Жанубий Корея билан тўқнаш келади.