Toni Kroosdan xayrlashuv maktubi

Toni Kroos Germaniya terma jamoasi "Evro-2024"dan chiqib ketganidan so‘ng futbolni rasman yakunladi. Shu bilan birga, xayrlashuv maktubini e’lon qildi.

Turnir mezbonlari chorak finalda Ispaniyaga qo‘shimcha bo‘limlardan so‘ng 2:1 hisobida mag‘lub bo‘lishdi va bu ularning Evropadagi muvaffaqiyatlarga erishish orzulariga nuqta qo‘ydi. Nemislarning turnirni tark etishi, shuningdek, "Real Madrid" afsonasi Kroos uchun monumental kunning ramzi.

Faoliyati davomida klubi va mamlakati uchun 34 ta sovrinni qo‘lga kiritgan yarim himoyachi Evropa chempionati kubogini ko‘tarish orzusiga erisha olmadi. Biroq, yarim imoyachi nafaqaga chiqish qarorida qolmoqda va uni qo‘llab-quvvatlaganlarga minnatdorchilik bildirdi.

Instagram sahifasida Kroos muxlislarga xayrlashuv maktubini joyladi:

Mana shunday. Lekin tanaffus qilishdan va hech bo‘lmaganda so‘nggi 17 yil ichida nima bo‘lganini tushunishga harakat qilishdan oldin, meni qabul qilgan barchaga rahmat aytish imkoniyatini qo‘ldan boy bermoqchi emasman.

Dunyo bo‘ylab barcha muxlislarimga so‘zsiz qo‘llab-quvvatlaganliklari uchun rahmat aytaman. Hamma klublarim va murabbiylarimga menga ishongani uchun minnatdorchilik bildiraman. Barcha jamoadoshlarimga, do‘stlarimga tashakkur. 

Ukam Feliksga, farzandlarimga eng katta turtki bo‘lganlari uchun va go‘zal rafiqam Jessikaga rahmat. Ularsiz bunday muvaffaqiyatlarga erisha olmasdim.

Va oxirgi, lekin eng muhimi - rahmat FUTBOL!"