Тўпурар Кейн муҳим ўйин олдидан танқидларга нишон бўлди

Германия терма жамоасининг собиқ ҳужумчиси Нилс Петерсен “Бавария”нинг марказий ҳужумчиси Ҳарри Кейн “Интер”га қарши ҳал қилувчи баҳс арафасида “маҳорат танқислиги” (формадаги инқироз) даврини бошдан кечираётганини таъкидлади.

Англиялик футболчи Германияда кескин танқид остида қолди. Эътирозлар Бундеслиганинг сўнгги турида “Боруссия Дортмунд” билан 2:2 ҳисобида якунланган ўйиндан кейин янада кучайди.

Шунингдек, Кейн ҳафта ўртасида бўлиб ўтган Чемпионлар лигаси чорак финалининг биринчи учрашувида ҳам — Италиянинг “Интер” клубига қарши 2:1 ҳисобида мағлуб бўлган баҳсда — гол ура олмади.

“Фрайбург” клуби собиқ юлдузи Англия терма жамоаси сардорининг ҳолатини қуйидагича изоҳлади:

- Ҳарри Кейн сўнгги ҳафталарда гол ура олмаётгани учун, имконият пайдо бўлиши билан, ичингизда “Ана энди тўп дарвозага кирса керак”, деган фикр пайдо бўлади. Айнан мана шу фикрнинг ўзи футболчига оғирлик қилади.

Бундай даражадаги футболчидан ҳар ўйин гол кутилиши табиий, лекин кутилмалар ўзини оқлаганича йўқ. У формадаги инқироз ҳолатида,” — деди Петерсен.