Торрейра ва Лодейро Уругвай термаси сафига бориб қўшилди, бугун Годин ва Бентанкурлар ҳам етиб келади

Турнирда Таиланд, Уругвай, Ўзбекистон ва маҳаллий Хитой терма жамоаси иштирок этишади. Лотин Америка вакиллари кеча тонгда Америка қитъасида тўп тепадиган футболчилар билан Хитойга етиб боришган эди.

Кеча оқшом эса Николас Лодейро, Мартин Сильва ва Лукас Торрейралар Хитойга етиб келишган. Бугун куннинг дастлабки қисмида Гастон Перейро, Диего Лаксальт, Матиас Вецино, Мартин Касерес, Родриго Бентанкурлар етиб келишади ва Уругвайнинг тушдан кейин ўтадиган машғулотларида иштирок этишлари мумкин бўлади.

Бугун оқшом эса Диего Годин, Хосе Мария Хименес, Фернандо Муслера, Жонатан Родригес, Матиас Суарес, Жонатан Родригес, Федерико Вальверде, Кристиан Стуани, Жорж де Арраскаета, Макси Гомес, Марсело Сараччилар жамоа сафига қўшилишади.

Эртага эса Мартин Кампанья, Нахитан Нандес ва Жованни Гонсалесларнинг келиши билан жамоа 22 киши бўлади ва Ўзбекистонга қарши ўйин учун тўлиқ таркибда умумий гуруҳ машғулотлари бошланади.