“Тоттенхэм” биринчи таклифни рад этди

“Тоттенхэм” клуби раҳбарияти ярим ҳимоячи Лукас Бергвалль трансфери бўйича “Ноттингем Форест” томонидан билдирилган биринчи таклифни рад этди.

Бироқ “ўрмончилар”нинг қизиқиши сақланиб қолмоқда ва томонлар ўртасидаги музокаралар давом этади. Бу ҳақда The Athletic нашри хабар берди.

20 ёшли швециялик футболчи ушбу ёзда жамоани тарк этиш истагини “шпорлар” раҳбариятига маълум қилган.

“Ноттингем Форест” уни “Манчестер Сити”га йўл олган Эллиот Андерсоннинг ўрнига асосий номзод сифатида кўрмоқда.

Бергвалль 2024 йилда “Юргорден” клубидан “Тоттенхэм”га ўтган ва дебют мавсумида жамоанинг энг яхши футболчиси, деб топилган эди.

Роберто Де Дзерби бош мураббий бўлиб келганидан кейин футболчи асосий таркибда камроқ майдонга туша бошлади. Футболчига “Астон Вилла” ва “Челси” каби бошқа Европа клублари ҳам қизиқиш билдирмоқда.

Лукас Бергвалль Швеция терма жамоаси сафида жаҳон чемпионатида тўртта учрашувда иштирок этди.