"Тоттенхэм" Кейн кетса, ўрнига кимни сотиб олмоқчи?

"Тоттенхэм" клуби "Фламенго" ҳужумчиси Педро Абреуга қизиқиш билдирмоқда. Бу ҳақда The Independent нашри хабар тарқатмоқда.

Манбага кўра, "шпорлар" "Бавария" ва ПСЖ томонидан жиддий қизиқиш билдирилаётган ҳужумчиси Харри Кейн жамоадан кетган тақдирда айнан 26 ёшли бразилиялик футболчининг номзодини унга ўринбосар сифатида кўриб чиқмоқда.

Маълумот учун, Педро 2022 йилги жаҳон чемпионати иштирокчиси, 2022 йилги Либертадорес кубоги ғолиби. У Бразилия чемпионатининг жорий мавсумида 12 та ўйинда 4 та гол уришга муваффақ бўлди.