“Тоттенхэм” юлдузлари жамоадан кетиш ҳақида ўйламоқда

Лондоннинг "Тоттенхэм" клубининг бир нечта муҳим футболчиси ёзги трансфер вақтида жамоани тарк этиш ҳақида ўйламоқда. Бу ҳақда "Тhе Touchline" нашри маълум қилди. 

Манба маълумотига кўра, клуб футболчилари жамоа Чемпионшипга тушиб кетиш хавфи туфайли "Тоттенхэм"дан кетиш ҳақида ўйламоқда. Маълум бўлишича, Хави Симонс, Жеймс Мэддисон ва Мохаммед Кудус бу футболчилар орасида қаторидан жой олган. 

Маълумот учун, "шпорлар" ўзининг навбатдаги ўйинини 12 апрель куни АПЛнинг 32-тур доирасида "Сандерленд"га қарши ўтказади. Беллашув Тошкент вақти билан 18:00да старт олади.