“Тоттенхэм”да энг кўп маошни ким оляпти?

Англия Премьер-лигасида ишлари кутилганидек кетмаётган “Тоттенхэм”да энг кўп маош олаётган футболчи ким экани маълум бўлди.

Маълум бўлишича, ҳозирги вақтда “шпорлар” сафида энг юқори маош оладиган футболчи Конор Галлахер ҳисобланади. Бу ҳақда инсайдер Мэтт Хьюз ижтимоий тармоқларда хабар қилди.

26 ёшли ярим ҳимоячи январь ойида Мадриднинг “Атлетико” клубидан лондонликлар жамоасига трансфер қилинган эди. Трансфер суммаси 40 миллион еврога тенг бўлган.

Лондон клубида Конор ҳафтасига тахминан 200 минг фунт стерлинг маош олади. Футболчининг “Тоттенхэм” билан шартномаси 2031 йилнинг  июнь ойи охиригача мўлжалланган.

Жорий Англия Премьер-лигаси мавсумида 26 ёшли яримҳимоячи 6 та ўйинда иштирок этган. Галлахер 1 та голли узатма амалга оширган.