"Трабзонспор" - "Рома": Матнли трансляция

Бироздан сўнг УЕФА Конференциялар лигасидан ўрин олган "Трабзонспор" - "Рома" учрашувига старт берилади. Мазкур саҳифа орқали ушбу баҳсни матнли трансляция кўринишида томоша қилишингиз мумкин!

"Трабзонспор" - "Рома" 1:2

90+4. Учрашув якунланди!

90+3. СЕЙВ! Яқин масофадан берилган зарбани Патрисиу қайтарди ва ғалабага муносиб ҳисса қўшди.

90+2. Маурдан тактик юриш. Заниоло ўрнига Рейнольдс майдонга тушди.

90. Ўйиннинг асосий вақтига 3 дақиқа қўшиб берилди.

88. Майдон эгалари сўнгги кучни тўплаб, олдинга ўтмоқчи. Бироқ фойдаси бўлмаяпти.

86. Ўйин темпи бироз пасайди. Футболчилар чарчади, чоғи.

84. Римликлар устунликни тўлиқ қўлга олди ва рақибга тўп билан ҳаракатланиш имкониятини қолдирмаяпти.

82. Ҳозиргина жамоасини ҳисобда олдинга олиб чиққан Шома ўз ўрнини Борха Майоралга бўшатиб берди.

81. ГОООООООООООООООООООЛ! ЭЛДОООООООООООООР!

Дарвоза тўсинидан қайтган тўпни Шомуродов дарвозага киритди! Яшавор, Элдор!

79. Сўнгги дақиқаларда "бўрилар" нисбатан фаоллашди.

77. Берат Ўздемир ўз ўрнини Абдулқодир Ўмур ўйинга қўшилди.

75. Тўпни тўхтата олмаган Элдор жамоаси ҳужуми эрта якунланишига сабабчи бўлиб қолди.

74. Устунлик ҳеч қайси жамоада эмас. Ғалабани ким илиб кетиши тўғрисида бир нарса дейиш қийин.

72. Гейнрих Мхитарян воқеалар ривожидан бироз илгарилаб кетди.

70. Моуриньо шогирдлари тўпни назорат қилишга ҳаракат қилмоқда. Бироқ рақиб устунликни қўлдан бермаяпти.

68. Яқин масофадан берилган зарбани Патрисиу қайтариб юборди.

66. Голдан кейин туркияликларнинг "иштаҳаси очилиб кетди"! Улар ҳужумларни тўхтатмаяпти.

64. ГОЛ. Учрашувда ҳисоб ўзгарди.

Жарима майдонига оширилган тўпни ҳозиргина ўйинга қўшилган Корнелиус дарвозага киритди.

63. Корнелиус ва Трондсен майдонга тушди. Улар Жервиньо ҳамда Исмаэль Кейбашини алмаштирди. 

61. Мхитаряннинг тушунарсиз ҳаракатлари туфайли Элдор офсайдда қолиб кетди ва натижада, тўп йўқотилди.

59. "Трабзонспор"нинг узоқ давом этган ҳужумини римлик ҳимоячилар бартараф этди.

57. Гол ўтказиб юборган туркияликлар дарҳол фаоллашди.

55. ГОООООООООООЛ! "Рома" ҳисобни очди!

Жарима майдонига етказиб берилган тўпни Пеллегрини яқин масофадан дарвозага йўллади.

53. Дастлаб, Шомуродов жарима майдони остонасида рақибини алдай олмади. Сўнг, Заниоло ноаниқ зарба берди.

52. Лоренцо Пеллегринига тиббий ёрдам кўрсатилмоқда.

50. Пеллегринига нисбатан қўполлик ишлатган Эдгар Иэ огоҳлантирилди.

48. Жарима майдонидан узоқ бўлмаган ҳудудда римликлар стандарт вазиятга эга бўлди.

46. Футболчилар майдонга қайтди. Элдорда ўзини кўрсатиш учун оз вақт қолди.

45. Биринчи таймга вақт қўшилмади. Танаффус!

44. Бакасетас олис масофадан ўз омадини синаб кўрди. Ноаниқ.

43. Карсдропнинг узатмасидан кейин тўп Элдорга қадар етиб келмади.

41. Ҳимоячи билан елкама-елка курашга киришган Элдор деярли тўпни жамоасига олиб берди. Аммо ҳакам қоида бузилган, деб топди.

40. Туркияликлар орқа чизиқда тўпни назорат қиляпти. Итальянлар босим уюштирмоқда.

38. Шомуродовнинг узатмасидан сўнг Карсдроп ўткир бурчакдан ноаниқ зарба йўллади.

36. Ўйин майдон марказида кечмоқда. Темп бироз пасайди.

34. Ноаниқ ҳаракат қилган Элдор тўп йўқотилишига сабаб бўлди. "Трабзонспор"нинг қарши ҳужуми ҳам эрта якунланди.

32. Марик Гамшикнинг олис масофадан йўллаган зарбаси кутилганидек чиқмади.

31. Шеригидан пас қабул қилиб олган Мхитарян жарима майдони ичида рақибидан ўта олмади.

30. Карсдорпнинг узатмаси ноаниқ кетди. "Рома" аста-секинлик билан ташаббусни қўлга олди.

28. Римликлар бурчак зарбасидан унумли фойдалана олмади.

26. Мхитаряннинг голи қоидабузарлик туфайли инобатга олинмади. Гейнрих тўпни қўли билан тўхтатган, деб топилди.

25. Бакасетаснинг зарбасига аниқлик етишмади. "Рома" посбони эркин зарба билан тўпни ўйинга киритиб беради.

23. Жарима майдони ташқарисидан берилган зарбани Патрисиу ушлаб олди.

22. "Бўрилар" эрта прессинг уюштириб, рақибни марказдаёқ тўпсиз қолдиришга уринмоқда.

20. "Трабзонспор"нинг хавфли ҳужумини Ибанез тўхтатди.

18. Веретунинг зарбасига аниқлик етишмади.

17. Чап қанотдан жарима майдонига ёриб киришни ният қилган Элдор тўхтатилди.

15. Жарима майдони ичида "Рома" вакили Вина йиқилиб тушди. Ҳакам симуляция учун унга сариқ карточка кўрсатди.

13. Майдон марказида Мхитарянга нисбатан қоида бузган Перес огоҳлантирилди.

10. Шомуродов биринчи имкониятни қўлдан чиқарди. Вакилимиз ҳаводан келаётган тўпни ўзига бўйсундира олмади.

8. Жамоадоши узатган тўпга Жервиньо ета олмади. Тўп йўқотилди.

6. Моуриньо шогирдлари ўз услубига мувофиқ, қарши ҳужумда фурсат пойлаяпти.

4. Майдон эгалари тўп назоратини амалга оширмоқда. 

3. Илк дақиқаларни туркияликлар фаолроқ бошлади ва олдинга ўтди. "Бўрилар" яхши ҳимояланди.

1. Учрашувга старт берилди. Олға, "Рома", бўшашма, Элдор!

0. Футболчилар майдонга тушиб келди. Улар орасида Шомуродов ҳам бор!